Derbarê Webgeha Çarzanê

Derbarê Webgeha Çarzanê

Webgeha Çarzanê platformeke dîjîtal a taybet e ji bo belavkirina naveroka zanistî, perwerdeyî û civakî bi zimanê Kurdî, bi hemû şêwezaran. Ev webgeh bi armanca pêşxistina çanda xwendinê û zêdekirina gihiştina agahiyên rast, nû û bawerbar hatiye damezrandin. Armanc ew e ku xwînerên Kurd bikarin bi zimanê xwe ji çavkaniyeke Kurdî ya bawerbar sûdê werbigirin û di heman demê de bibin xwîner, nivîskar û werger.

Armancên Çarzanê

Armancên sereke yên Webgeha Çarzanê ev in:

• Belavkirina naveroka zanistî û akademîk bi zimanê Kurdî, bi hemû şêwezaran, li her çar parçeyên Kurdistanê.

• Piştgiriya nivîskar û pisporên Kurdistanê û pêşxistina jêhatîbûna wan.

• Çêkirina civakeke xwînerên agahdar, hişyar û zanistî ya Kurdî.

• Bersivdana pirsên perwerdeyî û zanistî yên di nav civakê de.

Dîroka Damezrandinê

Webgeha Çarzanê di sala 2022an de wekî ramanekê dest bi karê xwe kir û di sala 2025an de bi awayekî fermî hate damezrandin. Armanca sereke ya damezrandinê ew bû ku bikaranîna zimanê Kurdî di qadên dîjîtal de bihêztir bike.

Di heyama xebata xwe de, zêdetir ji 50 nivîskar û pisporên cuda beşdarî karên Çarzanê bûne. Ev yek nîşaneyek ji piştgiriyeke bihêz e ku ji aliyê civaka akademîk û ronakbîrî ya Kurdî ve tê dayîn.

Tîma Çarzanê

Tîma Çarzanê ji komeke pisporan pêk tê ku di qadên cuda de, wekî tenduristî, teknolojî, perwerde, nivîsandin û gelek qadên din, dixebitin. Endamên tîmê ji herêmên cuda yên Kurdistanê ne û bi hevkariya hevdu kar dikin.

Tîma Çarzanê hewl dide ku bi awayekî rêkxistî û akademîk agahî û naveroka zanistî bi zimanê Kurdî belav bike û beşdarî avakirina bingeheke bihêz ji bo fêrbûn û lêkolînê bibe.

Herwiha, Çarzanê dixwaze bi pêşxistina naveroka Kurdî di qada dîjîtal de, asta bikaranîna zimanê Kurdî bilind bike û di avakirina civakeke Kurdî ya agahdar, zanistî û hişyar de roleke çalak bilîze.