هیڤیا دەرا خولیا ب سەرا
کارکرن و هەست کرن ب بەرپرسیاریێ ئەرکەکێ پیرۆزە لسەر ملێن مە هەمان، پێدڤیە ئەم هەموو بزانین هەر ئێکی ل مە دیف پلا بیستانێ ژی و جهێ خۆ شڤانێ هندەک پەزانە. مەزنیش دبێژن چ کار نینە مروڤ پێ کێم ببیت ژبلی دزی و حیزیێ نەبیت.
ل دونیایێش هەتا ئەم ب مللێن خۆ و ب زانینا خۆ خۆ ماندی نەکەین، تام ل ئارامیێ و هەستکرن ب دلخوشیێ نابینین، هەر وەکی بابو کالێن مە بۆ مە گوتی : هەتا بەرێ دەستی رەش نەبیت تاما دەڤی خوش نابیت.
راستە کار ل ڤان روژان یێ ب زەحمەتە هەتا بکەی یان ڤەبینی، بەلێ چجا نابیت بێ هیڤی ببین ل دلوڤانیا دلوڤانکارێ مەزن و ئەو رزقێ ئەو ددەتە مە بەنیان.
ئەگەر ئەم پشتا خۆ بدەینە دارێن بیانیا، دەستێ خۆش درێژکەینە هەموو کانیا، چجا ئەم ناحەوین ل چ جها و دێ د بێ کەس و بێ خودان بین، بەلێ ئەگەر ئەم ب کەد و ماندیبوونا خۆ کار بکەین دێ خۆ و دەوروبەرێ خۆش خودان کەین و ل هیڤیا دەستێ نەمەردان نابین. هەروەکی مەزن دبێژن
هیڤیا دەرا خولیا ب سەرا
